CENTRE for Excellence in Financial Inclusion (CEFI) i wokbung wantaim Milen Be provinsal Edministresen long karimaut wok bilong Fainensel Inklusen long Milen Be provins.

Tupela i wanbel long wok wantaim bihain long miting bilong Milen Be stiaring komiti long Fainensel inklusen i bin kamap long Janueri 28 na 29 long Alotau.

Long miting, ol ektiviti we ol i bin toktok long en, em Beislain Sevei long Fainensel Inklusen, Trening bilong ol trena bilong Fainensel Litresi Trening, Bisnis Divelopmen Sevis Trening bilong ol SME long provins, hosting bilong Fainensel Inklusen Ekspo na Pailot Projek long kamapim moa ekses long Fainensel prodak na sevis long provins.

Long wankain taim ol i bin toktok na wanbel long Fainensel Inklusen Stiaring Komiti bilong Milen Be provins na ol tems na refrens bilong ol komiti na wok plen bilong 2021.

Dispela patnasip bai stap long tripela yia na bai pinis long 23, 2022 Septemba.

CEFI Menesa bilong Spesel Projek Busa Jeremaiah Wenogo i toktok strong long impotens bilong Fainensel inklusen long Provins.

“Ol pipel i nid long kisim skul bilong fainensel litresi we bai ol i ken save long sevim mani na inves long ol gutpela samting long helpim ol famili bilong ol long taim bihain,” Mista Wenogo i tok.

Em i tokim ol fainensel representetiv long provins olsem ol bai kamap ol impoten patna long wokbung wantaim na karimaut ol plen bilong CEFI na BPNG insait long provins.

Ol representetiv bilong ol fainensel inklusen i tok ol i wanbel na redi long wok wantaim Milen Be Provinsal Edministresen.

Na long wankain taim ol i askim Milen Be provinsal Edministresen long wokbung wantaim ol long ol fainensel ektivi bilong ol.

Ol Fainensel representetiv bilong Komes Divisen long Milen Be Provinsal Edministresen, Alotau distrik Divelopmen Atoriti, Nasfund, Nambawan Super, Women’s Micro Benk, TISA, Mi Benk na Bank Saut Pasifik i bin stap long dispela miting.