Ol papagraun bilong Hides Gas Plant i tokim gavman olsem ol bai pasim ges paip lain long Hela provins long dispel yia 2021 bikos gavmen i no save luksave long ol.

Ol pipel bilong Pina klen husat it ok ol i papagraun tru bilong Hides Gas-To-Electricity (GTE) plent eria. Dispela plent i save saplaim pawa i go long Pogera main long Enga provins. Ol i no amamas long ol benefit ol i no save kisim inap 30 yia nau.

Ol i laik graun bilong ol long inkopret olsem lis bilong main (Lease for Mine Purpose) LMP long 2021 pastaim long pawa saplai bilong Hides GTE i go long Pogera taim ol opim gen main.

LMP bai ekspaia na nupela agrimen bai ol i sainim gen long dispel yia.

Siaman bilong Pina klen Inkoperet Len Grup (ILG) Lebe Kinali i tokim ol midia long Pot Mosbi olsem gavman na divelopa i no bin bihainim gut toktok bilong ol long Karius posen 167. Na i luk olsem ol bai fofitim olgeta aset i stap long kastoma rilen.

“Mipela askim Barrick Niugini Limited, opereta bilong Pogera main long rausim kea teka long narapela 14 de, sapos ol i bin bihainim agrimen bilong ol bai ol inap helpim ol pinis.”

“Olsem na ol papagraun tru bilong projek sait, mipela i bin putim pepa i go long Mineral Risos Atoriti (MRA) a Stet Negosiesen Tim (SNT) long riviuim Pogera main tasol no gat wanpela ripot i bin kambek long mipela,” em i tok.

LO siaman Timothy Tandape i tok, “Sapos askim bilong Pina klen i no kamap gut long baim ol long dispela 30 yia, em bai wankain asua bai kamap inap 20 yia gen na bai mipela i no inap benefit long ol risos bilong mipela.”

Ol papagraun i wet tasol long toktok wantaim MRA, Kumul Holding Limited.

Joseph Dawai i raitim