Dispela stori bilong Brad Venter i soim ol sevei wok i bin kamap long ol ples balus long Morobe Provin namel long 25 Janueri i go inap long 29 Janueri 2021. Brad Venter em i Flait Operesens Menesa bilong MAF PNG na em i wanpela pilot husat i flai wantaim MAF PNG long 10-pela yia nau.

“Mipela I wok long mekim sevei long Morobe Prvins inap long sampela de nau. Mipela i wokim tripela sevei we mipela i bin go long Bunguwat, Yawan na Tapmange long Morobe. Na mipela i bin go sekim Sampanga ples balus gen na lukim olsem em i orait.

Orait bihain mipela go mekim wok long Indagen, Isan na Satwag. Mipela i bin laik go tu long Saidor tasol ren i bin stopim mipela. Mipela i mekim ol dispela wok long Morobe bikos mipela i laik opim ol ples balus na wok wantaim Etap Luteran hospital na givim sevis long ol pipel bilong Morobe.

Long olgeta we mipela i go wok, ol pipel i amamas tru long mukim mipela. Wanpela de ol pipel i givim mipela 26 kabis olgeta. Long wan wan ples we mipela i stop ol i kam givim kabis long mipela olsem na long taim mipela pinisim ol wok long dispela de, balus i karim 26 kabis olgeta.

Mipela i kamap long Goroka na dilim i go long ol wokman na meri bilong mipela na ol sekyuriti gad tu. Yes, ol pipel i amamas tru long lukim mipela na ol i askim mipela tu wanem taim bai mipela i go bek long Nadzab na planti arapela askim.

Glenys bai wanpela pailot bilong mipela long Morobe provins. Ol pipel i amamas tru long lukim wanpela meri pailot. Long taim mipela i kamap long Indagen, ol pipel i mekim bikpela welkam na tok amamas long em. Dispela i mekim mipela i amamas tu bikos em i kisim bikpela sapot long ol pipel. Olsem na long taim em yet i stat long flaim balus i go long ol dispela liklik ples balus, bai em i orait bikos ol komyuniti bai lukautim em.

Em i gutpela tu olsem ol pipel i amamas long lukkim mipela i kam bek gen na mipela i no lusim ting long ol. Mipela i tokim ol pipel olsem mipela i toktok wantaim Morobe Provinsal gavman pinis na mipela wok isi i stap. Tasol mipela i laik wokim program na wok isi isi. Em i tru olsem mipela long MAF i laik go bek gen long hap bilong Finisterres.

I gat planti wok i stap yet long mekim long hap. Mipela i bin go inap tasol long Satwag long hap bilong Huon Peninsula. I gat planti moa sevei wok long mekim long ol arapela ples balus. Caravan balus bilong mipela i flai i go inap long dispela hap, tasol mipela i no traim yet Caravan balus long ol arapela ples balus bikos mipela i no klia gut long ol.”

Visen bilong mipela

Driman bilong mipela long MAF PNG em long bringim Krais i go long laip bilong ol pipel husat i stap long ol longwe ples long PNG, long wok bilong balus na teknoloji.

MAF i mekim ol wok long PNGlong 1951 i kam inap nau. Em i sevim ol komyuniti long ol ples longwe inap 70 yia nau. Mipela i flaim ol balus olsem Cessna Caravan, C208 balus long helpim ol pipel husat i no gat arapela rot long kisim helt sevis, edukesen, seif wara na Gutnius. Mipela i sevim ol lokal komyuniti, ol lokal sios grup , ol misineri, NGO na divelopmen rilif ejensi na ol gavman diptamen husat i mekim ol wok bilong senisim laip bilng ol pipel husat i stap long ol longwe ples.