OK Tedi Maining Limited (OTML) i tokaut olsem em i statim nomol wok bilong em gen bihain long namba tu masin i bin bagarap long paia long Desemba 20, 2020. Masin i stret nau na wok i stat bek long Janueri 6, 2020.

Menesing Dairekta na CEO bilong OTML, Musje Werror i tok tenkyu  long hatwok bilong ol wokmanmeri husat i bin mekim gutpela wok long stretim masin insait long 6-pela wik.

“Komitmen bilong wokfos i soim tru “wan tim wan pasin” spirit long OK Tedi,” Mista Werror i tok.

Kampani i bin wok hat tru long stretim ol masin bai prodaksen i ran gut na bungim ol sipmen bilong Janueri. Nupela hap bilong stretim masin i kamap las wik na ol i stretim pinis long wiken.

Mista Werror i tok mani mak bilong dispela bagarap inap long K100 milien. Kampani i gat strongpela balens sit bilong lukautim em yet long taim ol hevi  i kamap.

Kampani i soim olsem em i ken sanap strong maski em i bungim ol hevi. Dispela i soim tu long taim COVID-19 i bin kamap, na wankain bai kamap long 2021 sapos sampela hevi i kamap.