MIPELA i laik tok save long ol patna na ol kastoma bilong mipela long wanem kain ol wok mipela i mekim nau bihain long wok i bin pas long Mas 2020 bihain long lending insiden.

MAF i painimaut olsem kondisen bilong ol ples balus em i wanpela as bilong dispela hevi. Olsem na nau MAF i stat long wokim ol nupela sevei gen long olgeta ples balus.

Dispela tambu nesenel Gavman i putim long trevel bikos long COVID-19, i afektim ol wok bilong mipela. Mipela i mekim ol helt patrol i go long ol komyuniti i stap longwe tru olsem hap wok bilong mipela long rispon long hevi bilong COVID-19. Mipela i mekim 80 medivac olgeta long dispela taim.

Dispela tambu long intenesenel trevel i kamapim hevi long trening bilong mipela na ol wokmanmeri bilong mipela i no inap kam bek long kantri, tasol mipela i mekim ol wok yet.

Long planti yia nau, wok bilong ol ‘sevei tim’ bilong mipela i helpim long pinisim sevei long 136 namel long 216 ples balus mipela i save yusim. Ol ejensi i mas wokbung wantaim mipela long mekim plen na wok bilong sevei na planti taim ren i givim taim long mipela. Mipela i luksave olsem i gat 80 ples balus we sevei wok i mas kamap long en na i gat sampela nupela ples balus we i mas gat sevei olsem na mipela i traim long winim dispela mak.

Tenkyu long yupela i wanbel na stap isi long taim mipela i mekim wok bilong  lukautim sefti bilong yu na famili na ol kago bilong yupela.

Long pinis bilong Janueri 2021, mipela i gat 100 ples balus i op nau. Lukim lista i stap daunbilo.

Mipela i askim yupela long stap isi long taim mipela i pinisim wok bilong sevei, givim trening long ol pailot bilong mipela, na mekim wok bilong medivac. MAF i sanap strong long wok bilong flai i go long ol ples na komyuniti i stap longwe tru. Tasol long wankain taim tu, mipela i putim sefti i go pas long wok bilong mipela!

Long 1 Februeri, 2021, ol dispela ples balus i op gen long ol balus bilong MAF.

Is Sepik (8): Ambunti, Malaumanda, Samban, Tamo, Wewak, Wuvulu, Yagiap, Yambaitok.

Isten Hailans (14): Aiyura, Ande, Aziana, Boikoa, Gema, Goroka, Guwasa, Marawaka, Owena, Simogu, Sindeni, Usarumpia, Wonenara, Wuyabo.

Enga (5): Kairik, Kompiam, Maramuni, Pyarulama, Yenkisa.

Galp (3): Kerema, Kikori, Wabo.

Hela (2): Tari, Wanakipa.

Jiwaka (2): Koinambe, Tsendiap.

Madang (4): Madang, Nankina, Simbai, Teptep.

Morobe (7): Derim, Finschhafen, Gusap, Nadzab, Sapmanga, Wasu, Yalumet.

NCD (1): Port Moresby

Sandaun (18) Angugnak, Buluwo, Edwaki, Eliptamin, Green River, Kweiftim, Lumi, Munbil, Nuku, Oksapmin, Simbilanga, Sisamin, Tadji, Tekin, Telefomin, Tumilbil, Vanimo, Yapsie.

Simbu (3): Bomai, Chimbu, Karimui, Manu.

Sauten Hailans (1) Muluma.

Westen Provins (29): Aiambak, Awaba, Balimo, Bensbach, Daru, Debepari, Dimissisi, Dodomona, Fuma, Hesailibi, Honinabi, Kamusi, Kapal, Kiunga, Lake Murray, Morehead, Mougulu, Nomad River, Obo, Rumginae, Sasereme, Suabi, Suki, Tabubil, Tapila, Wawoi Falls, Weam, Wipim.

Westen Hailans (1) Mt Hagen.