Gavana bilong Morobe Provins Ginson Saonu i tok gavman bilong Morobe i sanap long wanem toktok em i bin tok long Wafi Golpu maining.

Gavana i tok ol bai i lukluk go bek na kisim sampla tingting pastime bai ol i sainim pepa wantaim Nesenel Gavman.

Gavana i tok amams long Envaromentel tok orait ikam long ol envaromen lain bilong stretim wei bilong wok bai stat. Ol Conservation and Environment Protection Authority (CEPA) lain i putim toksave long ol pipel long tokaut long wanem tingting ol i gat long envairomen taim maining wok i stat.

Gavana Saonu i tok moa olsem dispela tok orait ol i kisim em i bilong envairomen na ol pipia bilong maining bai i go we taim wok i stat. Gavana i tok dispela tasol em i wanpela toktok ol lain husat i save kisim kaikai samting long solwara i wok long wari na tingting planti i stap.

ol pipel bilong dispela hap i amamas taim ol lain i wok long go askim ol na toktok long ol na askim ol long wanem samting bai kamap. Last toktok bai kamap long Februari na ol bai givim long Nesenel Gavman.

“Me save olsem sampela lain i no amamas long dispela tasol bai mi no inap hariap long toktok long makim maus bilong Provinsel Gavman. Bai mi toktok taim olgeta samting i stap orait, Gavana i tok.

Gavana Saonu i tok, ”Las wik mipela i bin bung wntaim provinsel administresen wantaim ol memba bilong palimen tasol ol memba i no bin kam. Ol pipel bilong dispela hap i laik toktok wantaim ol memba na ol bikman olsem na narapela bung gen bai i kamap long dispela wik nab a yumi karim laspela pepa i kam.

Ol tim bilong wok lukluk i go bek bai bung wantaim provinsel gavman wokman bilong Deep Sea Trailing Placement (DSTP) na ol Incorporated Land Group (ILG) long dispela wik Gavan Saonu i tok.

Me tok amamas long ol papa graun na prsiden bilong LLG na ol memba bilong dispela wod husat i kam long dispela toktok go i kam program. Me laikim wanpela grup tasol i mas bung na toktok, i nogat moa grup i mas kamap.

Tingting bilong mi is tap insait long ol papagraun na olgeta hap bilong Morobe. Dispela wok i no pinis yet Gavana i tok.

Gavana Sanu i tok em bai wok long sanapim dispela tok ‘take back PNG’ Praim Minista i bin tok. em bai wok long ol pipel i mas kisim planti helpim na ol bai bihainim ol lo na bai rausim dispela pasin we ol lain bilong PNG i no save kisim planti helpim.

Gavana i tokim ol lida na ol papagraun long kam toktok long em na mas noken poret. Ol i mas toktok long wanem tingting ol i gat long en. Em i aim we ol i mas harim tok bilong ol dispela lain. Dispela i bai stopim ol samting we i save kamap long ol narapela mainig insait long kantri.

Me sav long wanem Dipiti Praim Minista Sam Basil i tok long ol pepa bilong ol man husat bai wok. Yumi bai no inap long wet i go moa. Mipela i wok long toktok nau is tap wantaim husat ol lain bilong wok.

Mipela i bin gat 200 manmeri husat i kam las wik na nau bai yumi i lukluk long ol presetesen bilong ol papa graun long posisen bilong ol Gavan Saonu i tok.

Gavana Saonu i tok olgeta memba bilong Morobe na Dipiti Praim Minista i mas wokbung wantaim long mekim wok i go.

UPNG Jenelis Sumatin Samantha Solomon i raitim