OL PMV na Teksi i laik apim fi long sasim ol pasindia wantaim helpim bilong Independent Consumer na Competition Commission (ICCC).

Dispela senis i stap long Nesenel Gazette No. G727 we em i stap olsem lo long 30 Oktoba 2020.

Long Public Motor Vehicle (PMV) na Teksi Sevis Prais Oda bilong 2020 ol Independent Consumer na Competition Commission (ICCC) i putim aninit long seksen 21 bilong Price Regular Act pasim lo long Nesenel Gazette No. G839 bilong 2018.

Long dispela oda;

PMV em pablik kar aninit long Road Traffic Act 2014 long karim ol pipel long wanpela hap i go long narapela hap insait long Road Traffic Regulation 2017.

Teksi em pablik kar aninit long Road Traffic Act 2014 we mas gat laisens long karim ol pipel long wanpela hap i go long narapela hap insait long Road Traffic Regulation 2017.

Long mak bilong ol skul pikinini, sapos sumatin i stap long Gret 10 na kamdaun bai baim 50 pesen o hap fi na sapos em Gret 11 na i go antap long ol bikpela skul olsem yunivesiti na koles ol bai baim 25 pesen fi bilong kalap long bas o teksi.

Ol pablik bai baim fi stret bilong sas bilong wanem hap we ol laik go. Na tu ol i no kisim tok klia gen long taim bilong bihainim dispela nupela fi.

UPNG Jenelis Sumatin Martina Takaneng i raitim