BENK bilong Papua Niugini (BPNG) na Center for Excellence in Financial Inclusion (CEFI) i bin sainim
Memorandum Ov Understanding

(MOU) wantaim Dipatmen bilong Edukesen (DOE) long wokbung
wantaim long Nesenel Fainensel Edukesen Karikulum long skulim ol sumatin long rot bilong menesim
mani, rot bilong mekim mani, sevim na basetim mani na dinau.
Gavana bilong benk, Loi Bakani i sainim patnasip wantaim Seketeri bilong Edukesen, Dokta Uke
Kombra long promotim na sapotim het tok “Financial Education for a better future” or Fainensel
Edukesen bilong gutpela taim bihain.
Gavana bilong Benk, Loi Bakani i tok dispela karikulum bai helpim ol sumatin long lainim sosel
resposibiliti na fainensel kompitensi.
“BPNG i inves long ol teknoloji inovesen long gat moa ekses long ol fainensel prodak na sevis.
Regulatory sandbox, Retail Eletronic Payment system na Digital Identification projek em ol sampela
bilong ol dispela prodak na sevis. Taim yumi putim Fainensel Edukesen i go long karikulum na skulim
ol pikinini long dispela, em bai helpim long givim ol moa save long ol rot bilong mekim na sevim
mani,” Mista Bakani i tok.
Seketari bilong Edukesen, Dokta Uke Kombra i tok, “Dispela wokbung wantaim bilong DOE na CEFI
bai sapotim ol tisa long kisim spesel in-sevis fainensel edukesen trening na ol bai kisim setifiket,”
Fainensel Edukesen karikulum bai stat na ran long 48 skul long 2021 na 2022 bihain ol bai rolim long
olgeta skul long kantri.

Carolyne Ketsimur i raitim