OL Seketeri, ol Dairekta na ol sampela wok manmeri bilong Katolik Bisop Konprens i bin kisim tupela de long stap insait long Dairekta Divelopmen Program we ol i bin lainim long strongim gutpela gavanens long wok.

Dispela program em i bilong ol Papua Niugini Institusen bilong Dairekta (PNG ID) we i bin kamap insait long 14 na 15 Desemba wantaim astingting long soim isi standet bilong mekim wok na karim wok we ol dairekta mas bihainim.

PNGDI Darekta, Taunao Vai i go pas long dispela trening na kisim ol long ol topik long painim astingting bilong Koperet Gavanans, givim liklik histori bilong Koperet Gavanans, tok klia bilong wanem em Gavanans na wanem em menesmen. Ol i lainim tu wanem wok bilong Dairekta, namba wan save bilong wok Dairekta, luksave long rot bilong mani, sekim mani stetmen, ol wok bilong Bod long Strateji na plen, Kapitel Projek ivaluesen, wok bilong bod bilong Koperetris na 6-pela lo bilong Dairekta na bod memba.

Dispela program i pinis wantaim sotpela presentesen bilong ol Setifiket long husat i kamap long dispela trening we Presiden bilong PNGID, Anthony Yauieb i givim.

Mista Yauieb i amamas long husat i kamap long dispela Program na i tokim ol tu long ol i mas soim gutpela pasin bilong gavanans insait long PNG.

UPNG Jenelis Sumatin Martina Takaneng i raitim