BENK Saut Pasific (BSP) i toksave na opim nupela isi rot long intanet wantaim Tactical  Ranger System (TRS) long helpim ol Small Medium Enterprise (SME) kastoma long mekim bisnis wantaim SME onlain.

Het opis bilong TRS i stap long Pot Mosbi we em bai givim sevis na bai helpim nupela seif rot bilong bisnis.

Dairekta bilong Tactical Ranger System Ricky Kirori i tok, “Ol I traim long mekim dispela intanet sevis long helpim ol SME long wok bisnis gut wantaim ol kastoma bilong ol”.

“Ol i makim olsem dispela wok bai helpim ol SME lain long abrusim sampela liklik hevi long gutpela bilong ol kastoma bilong ol. Na tu,ol i laik mekim dispela nupela sistem i kamap isi long ol SME long kisim na bihainim long mekim bisnisi kamap gut. Mipela i putim strongpela tingting long mekim web disain na mekim softwe sevis bilong dispela sistem”, Mista Kirori i tok.

TRS ICT Operesen speselis Glen Kiapgugu i tok TRS em nupela sistem we i laik mekim bisnis maket bilong ol SME go klostu long ol kastoma bilong ol long gat rot long kisim sevis.

UPNG Journalism Sumatin Martina Takaneng