Ok Tedi Mining Ltd (OTML) i bin kisim 40 nupela treni long las tupela wik long 2021 intensip program bilong ol.

16-pela inteks ol stap wantaim Greduet Divelopmen Scheme klostu tupela yia na 24 em ol trade greduet husat bai go het long foapela-yia trening program bilong ol.

Menesing Dairekta na CEO bilong OTML Musje Werror i tok, “Ok Tedi trening program em namba tu taim nau na em plen long divelopim ol treni long go aut wantaim ful strong wantaim profesenel wok bilong ol na pesenel divelopmen.”

Em i tok maski dispela COVID-19 i bin pulim taim bilong ol long kisim nupela treni tasol olgeta treni i bin kamap long taim na amamas long joinim Ok Tedi famili.

“Dispela Trening Senta em pulap wantaim ikwipmen bilong givim gutpela kwaliti trening program long tupela wantaim aprentis, greduet na wok manmeri we mipela i bin save yusim long las 32 yia,” Mista Werror i tok.
Divelopmen wokfos kepabiliti em wanpela bilong ol tripela ki pilas bilong OTML long divelopim hai pefoming integret tim.

Em i bin givim gutpela tok long ol nupela intek long yusim dispela sans long statim nupela laip long profesenel rot na gutpela bilong ol yet.

Werror i tok, “Long laip yu bai kisim sans, tasol yu mas wok strong long kisim dispela sans we yu laikim na kam long en.”

30 yia i go pinis, Mista Werror i bin joinim Ok Tedi olsem nupela greduet bilong Yunivesiti bilong Papua Niugini na nau em kisim ol nupela greduet treni go insait long OTML olsem menesing dairekta bilong kampani.

Stori bilong Werror wantaim OTML, Dauba Dauba greduet geologist bilong Yunivesiti bilong Papua Niugini i tok, “Dispela em naispela stori bilong mipela.”

Long stat bilong dispela program i bin gat 561 greduet na 1,194 tredsman na meri husat ol i bin greduet long wan wan program bilong ol.

Ok Tedi i save givim tu Preferred Area Development Training we ol lokal lain insait long Mine Preferred Areas i save givim long olgeta trening program.

Menesa bilong OD & T, James Munro i tok, “Mipela i luk fowat long trenim narapela bikpela grup bilong ol greduet na mi laik tok strong long yupela wan wan long wok strong na mekim gut long dispela program.”