BSP Life PNG i bin lonsim nupela websait bilong em long Mande 7, 2020 long Waigani het opis.

Dispela nupela websait bai helpim BSP Grup Stretaji long apim dijital presens long maket na tu sapotim BSP long gro bikpela long PNG.

Long taim bilong lonsing Ekseketiv Opisa bilong BSP, Robin Fleming i tok “Mipela i askim ol bisnis unit long benk long yusim dijital platform na kisim moa kastoma bai ol i ken gat isi rot long eksesim ol prodak na sevis bilong benk,”

“Wantaim dispela websait, BSP i  givim ol kastoma sans long rid na save long ol insurens prodak na sevis we BSP i save givim. Em i gutpela rot tu bilong ol Insurens Ejen bilong BSP long soim ol kastoma long ol gutpela samting insures polisi i sapotim,” Mista Fleming i tok.

Kantri Menesa bilong BSP Life, Nilson Singh i tok “websait i save helpim bisnis long kamap gut bikos em op long 24 aua long olgeta de. Wantaim hevi bilong COVID-19, onlain bisnis em i gutpela rot bilong mekim bisnis.

Em i tok i BSP Life i gat plan long surukim bisnis i go long ol narapela provins long 2021 na 2022. Dijital presens bai sapotim dispela long taim bilong karimaut dispela plan.

Ol kastoma i ken eksesim dispela websait long mobail fon. I gat fitsa ol i kolim “Online Quote Calculator” bilong Wantok Delite prodak. Dispela fitsa bai kalkuletim premium amaunt long taim yu putim ol infomesin bilong yu long websait.

Narapela fitsa em Chat, dispela fitsa i givim sans long ol kastoma long salim ol askim bilong ol long ol prodak na sevis bilong BSP Life.

Ol kastoma i ken eksesim websait long www.bsplife.com.pg

Carolyne Ketsimur i raitim