CENTRE for Excellence in Financial Inclusion (CEFI) i bin sainim agrimen wantaim tripela ejensi long
bringim famili fam tim trening (FFTT) bilong kamapim ol fres kaikai bilong gaden long Simbu, Jiwaka
na Westen Hailans provins.

Agrimen i bin kamap namel long Ambumangre Micro-Credit Skim, Cliffy Contractors na Peoples
Action for Rurel Divelopmen (PARD). Dispela projek bai helpim 5000 faming haus long Simbu, Jiwaka
na Westen Hailans. Em hap bilong Fainensel Inklusen Komponen aninit long Maket for Village
Farmers (MVF) projek.
FFTT bai lukluk long helpim ol man, meri na yut long wokbung wantaim na mekim faming olsem
famili bisnis.
Ekseketiv Dairekta bilong CEFI i tok CEFI i kisim dispela tripela patna bikos long gutpela rekot, gutpela
nem na ekspirens long karimaut fainensel litresi trening.
Dispela projek bai helpim long kamapim gut maket ekses bilong ol fres gaden kaikai na galip nat long
PNG.
PNG Gavman na International Fund for Agriculture Development (IFAD) i fandim dispela projek na
Fresh Produce Developmen Atoriti i karimaut wok.

Carolyne Ketsimur i raitim