Makim gavman na pipel bilong tupela Sepik provins we STREIT program i wok long go on long
en, mi laik tok tenkyu long Paradise Food Kampani, Lynette Sarry bilong Is Sepik Provinsal
Edministresen i tok.

Misis Sari i tok, em taim bilong smolholda kakao fama long kisim dispela sans nau long lukim
maket na wokim moa prodaksen, na i no wok nating moa.
Long wankain taim Wes Sepik Provinsal Edministreta Mista Conrad Tilau i tok, ol fama i bin wet
longpela taim tru long maket na nau em dispela de, we soklet kampani i pasim tok long wok
bung wantaim Food and Agriculture Organization (FAO) long go bungim ol fama stret long blok
na gaden bilong ol na apim prodaksen bilong kakao.
Tupela provinsal Edministreta i askm ol pipel bilong Sepik Rijonnau long ol i mas holim graun na
program bilong Egrikalsa bai kam bungim ol long hap rot, long wanem ol i gat graun na ol i no
ken les na askm long kisim fri samting.

Jonathan Poema i raitim