SEMBA na ol memba bilong em i laik wok strong long kamapim gutpela PNG. Long mekim dispela, PNG bai mas mekim sampela invesmen we bai kamapim ol sans wok long ol pipel bilong PNG.

Na long kisim invesmen long ol intenesenel investa, PNG gavman i mas wokbung wantaim ol investa long mekim gutpela wok we bai helpim tupela pati wantaim.

Em i wok bilong Semba long stap namel long gavman na indastri na helpim long stretim wok bilong  invesmen we bai go go het long groim PNG Maining na Petroleum indastri. Dispela bai i ken kamapim planti sans wok long ol pipel bilong PNG na tu kamapim gut ikonomi bilong kantri.

PNG em i gat planti Mineral na Petroleum risos, tasol ol i nogat veliu inap sampela lain o gavman i painim na divelopim. Ikonomi bilong PNG i dipen long ol dispela risos.

Risos sekta i save sapotim rijonel na rurel ikonomi. Olsem na olgeta senis we i save kamap long lo na regulesen bilong risos sekta i mas  ol i mas skelim gut.

Semba i gat strongpela tingting long wok wantaim gavman long groim ikonomi bilong PNG. Em i no spesel intres grup we i laik agensim PNG.

Carolyne Ketsimur i raitim