KINA benk i bin lonsim nupela eksklusiv kastoma ofa bilong em ol i kolim PRIME. Dispela i mekim benking ekspirens bilong ol kastoma i go antap long narapela level.

PRIME i gat ol planti fitsa na benefit bilong ol kastoma. Dediketet Prime rilesensip edvaisa, nupela Prime Visa Debit kat we i nogat fi long tripela yia na liklik 3 yia fiks reit haus.

“Kina Benk mipela i gat bikpela tingting long bringim benking i go antap long narapela level we olgeta manmeri i ken amamas long yusim na tu givim ol gutpela prodak na sevis i go long ol kastoma,” Sif Ekseketiv Opisa bilong Kina Benk Greg Pawson i tok.

Em i tok moa olsem sapos yu nupela o olpela kastoma bilong haus dinau o residensal invesmen propeti kastoma, nupela Prime stetus bilong yu i min olsem yu ken kisim ol gutpela sevis bilong Kina benk. Kain ol sevis olsem; Liklik fiks reit bilong haus dinau, nogat fi long Prime Visa Debit kat na dediketet Prime Rilesensip edvaisa husat bai helpim yu.

Prime stetus em bilong ol kastoma wantaim haus lon na investmen propeti dinau. Prime em i min yu ken sevim mani na baset gut wantaim fiks ripeimen long tripela yia.

Carolyne Ketsimur i raitim