EMSTRET Holdings husat i wokbung wantaim Bank of South Pacific (BSP) i bin opim onlain peimen bilong em las wik.

Emstret em i lokal SME bisnis we i stat long 2014 na i wok moa long 6-pela yia long PNG. Kampani i gat brens long moa long 12 provins.

Emstret em i Intanet Sevis Provaida (ISP) kampani we i save givim gutpela na daun prais intanet ekses long ol rurel skul, komyuniti na ol kopret klaens.

Na long wankain taim em i ranim liklik Pizza kampani na wok marimari bilong sapotim ol komyuniti long edukesen, helt, senitesen na sastenebol eneji.

Kampani i wokbung wantaim BSP long onlain peimen na kamapim websait https://www.emstret.com.pg we ol kastoma i ken yusim long mekim bisnis wantaim ol.

“Olsem wanpela SME bisnis long PNG, mipela andastenim veliu bilong dijital peimen. Em bai kamapim gut wok bisnis na mekim isi long ol kastoma long baim samting onlain. Dispela pletfom i helpim kastoma na bisnis wantaim,” CEO bilong Emstret Holding Vani Nades i tok.