BANK of South Pacific (BSP) bin mekim presentesen long namba tri kwata fainensel risal bilong en long 26 Oktoba 2020.

CEO bilong BSP Robin Fleming i bin mekim dispela presentesen long ol investa na em i tok BSP i go het long mekim gutpela profit maski long taim bilong COVID-19.

Em i tok BSP i go pas long maket bilong em long teknoloji long kamap gutpela, seif na isi rot bilong ol kastoma long mekim benking bisnis bilong ol.

Moa long 77 pesen bilong BSP kastoma trenseksen i bin kamap long dijitol sanel o rot bilong kompyuta na intanet long namba tri kwata bilong 2020.

BSP i bin mekim K216 mllien long namba 3 kwata na K598 milien bungim wantaim bilong ol narapela mun i go pinis i kam inap long Septemba 2020.

Ol bisnis divisen bilong BSP tu i bin mekim gutpela winmani long dispela kwata.

Dispela i soim olsem BSP em i namba wan benk long PNG we i ken sanap strong long gutpela taim na taim nogut.

Mista Fleming i tok BSP bai go het long sapotim ol kastoma bilong em.

Carolyne Ketsimur i raitim