WABAG Distrik Divelopmen Atoriti (WDDA) i go het long sapotim na bringim moa divelopmen sevis long ol pipel.

Dokta Lino Tom Minista bilong Fiseris, Marine Risos na Memba bilong Wabag Open na na husat i Siaman bilong Wabag Distrik Divelopmen Atoriti,  i bin opim komyuniti wara saplai projek, apgretim ilektrisiti na fomesen bilong ol wot divelopmen komiti long Lenki ausait long Wabag Taun.

Dr. Lino i bin tokim ol pipel olsem dispela em wok bilong em long givim sevis long ol pipel husat i stap insait long ples na ol i ken lukautim na yusim ol dispela sevis we gavman i givim.

“Mi gat bikepla tingting long helpim ol pipel bilong Wabag ilektoret bikos ol i bin gat bilip long mi na votim mi olsem memba bilong ol. Olsem na bai mi mekim wok bilong mi long painim moa mani long bringim projek na sevis long ol pipel,” Minista Lino i tok.

Dispela Lenki wara saplai projek bai kost K500, 00 wantaim ol apgretim pawa em i go antap long K100,00 na tu wok bilong wod divelopmen komiti. Dispela olgeta wok em Wabag Distrik Divelopmen Atoriti i putim mani long kamapim.