BENK Saut Pasifik (BSP) benking na edukesen tim i bin joinim Buk bilong Pikinini (BbP) laibri lening senta long Evedahana Praimeri Skul long Pot Mosbi long lukim 2020 Nesenel Literesi Wik bilong ol.

BSP Benking na Edukesen  Menesa Gabriel Nangile wantaim Benking na Edukesen opisa Naomi Sion i bin go long dispela iven.

Tupela i bin skulim ol pikinini long ol rot bilong plenim na sevim mani wantaim BSP sumatin akaun.

BSP Koporet Sponsasip Menesa Amelia Minnopu i tok “BSP i toktok strong long fainensel edukesen em i ki bilong invesmen na komitmen long ol komyuniti em i sevim.  Mipela i bilip long skulim ol pikinini taim ol liklik yet wantaim ol skil bilong literesi na numeresi bai ol i ken gat saksesful edukesen na kisim gutpela wok long taim bihain.”

Em i tok moa olsem BSP i helpim long divelopmen bilong ol pikinini long PNG. Em i skulim ol tru tru laip skil bilong helpim ol long taim bihain bilong ol.

Bos bilong laibri long Buk bilong Pikinini senta long Evedahana Praimari skul, Rose Eunu i tok tenkyu  long BSP long makim skul bilong ol long dispela de bilong Nesenel buk wik.

Astingting bilong yia 2020 em “Merging traditional & Digital Learning”.

BbP i senisim numeresi na pre-STEM karikulum long givim ol pikinini  sans bilong kisim gutpela skul na save bipo long ol i statim skul.

Ol pikinini i stat skul long kauntim abakus, stretim ol seip, mesarim ol objek na pat bilong bodi, skelim hevi bilong ol samting na skelim volium na moa yet.

Faunda bilong BbP, Anne-Sophie Hermann i tok, em i amamas long lukim ol pikinini i soim bikpela laik long nupela numeresi program. Na em amamas na tok tenkyu long BSP long sapot bilong em.

BSP i divelopim gutpela  ril laip aplikesen program we i wok gut wantaim BbP karikulum.

BbP tu i wok long givim ol tisa na pikinini dijital lening pletfom bilong givim ol pikinini sans long kisim moa save.

BSP i go het long sapotim BbP long Manus, Lae, Goroka wantaim moa long K226,00 long dispela yia.

Carolyne Ketsimur i raitim