Wanpela ripot i kam long UNDP i soim olsem ol famili insait long wanpela hausna ol liklik na namel sais bisnis (MSME) i kisim bikpela bagarap long COVID-19 hevi.

Wanpela wokpainimaut i bin kamap long moa long 60,000 famili na 3,000 MSME long 89 distrik bilong Papua Niugini. Dispela wokpainimaut i bin kamap long luksave long ol bagarap we i kamap long COVID-19.

Bikpela wokpainimaut we i kamap i soim olsem ol MSME na ol haushol i soim olsem olgeta sekta i kisim bikpela bagarap. Ol sekta we i kisim bagarap moa em ol trevol na turisim. Ol bisnis i lusim 97 pesen bilong bisnis. Ol bisnis we i save yusim planti wokmanmeri long mekim ol samting i rausim 90 pesen bilong ol wokmanmeri, entatenmen na spot i lusim 95 pesen bilong bisnis na ol egrikalsa bisnis i lusim 12 pesen long prodaksen i go inap long saplai sein.

Ripot i soim tu ol polisi na ol sosel proteksen lo we gavman, ol praivet sekta na ol divelopmen patna i ken yusim long banisim ol bisnis na famili long PNG. Dispela i ken daunim trenseksen kost bilong ol MSME na kamapim wok bilong ol meri na ol yut na tu apim mak bilong ol besik sevis long kantri.

UNDP i lukluk fowed long helpim gavman na ol stekholda long strongim besik sevis diliveri na apim sosel proteksen na ikonomik daivesifikesen.