Olsem yupela i save pinis MAF i stat mekim ol ran bilong en gen pinis i go long ol rimot ples balus bihain long ol i mekim sevei na tokaut olsem ples balus i seif long ol i go long en.

Mipela i go het yet long mekim wok sevei long ol arapela ples balus bihainim wanpela sistem i stap we i bihainim kepesiti bilong tim, praioriti na ministri nid bilong ol patna bilong mipela.

 Sampela ples balus mipela i no inap go long ol bikos ol i no stap long gutpela kondisen. Bihain taim ol i orait na seif long balus i go bai mipela i ran gen long ol dispela ples. Mipela i laikim ol pipel long ol ples we ples balus i no stap gut long wok bung wantaim ol lida bilong yupela olsem ol lokal level gavman na provinsel gavman long stretim na MAF i ken kam bek.

Bihainim ol oda bilong COVID-19 MAF i no karim ful lod bilong pasindia o kago. Mipela i luksave long ol planti diman bilong karim kago na pasindia long sisen bilong holide long krismas na mipela i askim ol kastoma long stat na plen wantaim ol buking opisa bilong mipela. Plis tingim. MAF bai i no inapim olgeta plen bilong yu long las minit.

Bihainim ol tok mipela i kisim bek mipela i laik toksave long ol apruv sios patna bilong mipela long wanpela senis insait long sabsidi polisi bilong mipela. Ol patna sios i mas salim olgeta sabsidi rikwes i go long MAF Central Buking Opis long Maunt Hagen na ol bai i kisim 3-pela de long mekim buking. Sapos yu bringim rikwes yu yet long opis, orait ol i ken stretim buking bilong yu long seim de na yu wetim ol. Ol apruv sabsidi fom bai i stap tripela mun tasol stat long deit bilong apruval na mipela i laikim olsem ol pasindia i mas bukim tiket bilong ol wantaim wanpela tiketing opisa bilong mipela na baim tiket insait long 3-pela mun.

 Mipela i wok nau long apdeitim rekot bilong ol kontek bilong bilong ol apruv sios patna bilong mipela. Inap mipela i askim ol patna long ringim mipela long 73739999 o email long This email address is being protected from spambots. You need JavaScript enabled to view it. o toktok wantaim mipela long redio long taim bilong sked.

 Tenkyu long wok bung na helpim bilong yupela long mekim dispela wok i go gut.

 Mi pren bilong yupela Doug Miles

Operesen Dairekta