PAPUA Niugini gavman i givim tok orait pinis long Mayur Resources long go het long wok bilong simen na laim projek long kantri.

Gavman i givim lis bilong 20 yia na dispela projek bai i kamap long Kido ples long Sentral Provins.

Siaman bilong Mayur Resources, Rob Neale i tok dispela em bai i namba wan simen na laim projek we tupelo bai i wok wantaim.

Mista Neale i tok ol bai i yusim dispela ol simen na laim long mekim ol strongpela rot long PNG. Na sampela ol bai i salim ovasis.

Namba wan hap bilong dispela projek bai i kamapim 1.65 milien tan simen, na 200,000 tan kwiklaim.

Mayur Resources i lukluk tu long kamapim 360 wok.

Manining Minista Johnson Tuke i tok wantaim olgeta salens long dispela taim ol nupela projek i ken helpim ikonomi bilong mipela. Em i tok long dispela taim tu em i gutpela long daunim ol kost na impruvim saplai lain bilong PNG olsem kantri.

Na tu long mekim wanpela moa maining projek i kamap we i ken bringim mani I kam long kantri long ol ekspot em bai i mekim.