FRAIDE 21 bilong Ogas i bin wanpela bikpela de bilong ol pipel bilong Milne Bay provins.

PM James Marape i bin go long provins long namba wan taim long opim nupela taun maket we JICA na Gavman bilong PNG i bin wok wantaim long sanapim.

Ol pipel bilong Esa’ala i amamas olsem maski i bin gat sampela hevi olsem, weda i bagarap, SOE na lokdaun, Tropical Air balus i bin nap long mekim namba wan ran bilong em i go long distrik.

Insait long balus,ol bikman bilong Women’s Micro Benk, ol inspekta bilong Civil Association Safety Authority ( CASA) na Crude Palm Oil ( CPO) i bin kalap.

Tim i bin holim namba 3 Distrik Divelopmen Atoriti (DDA) miting bilong ol, na long dispela miting ol i givim ol tingting bilong ol long kamapim gutpela sindaun long ol pipel bilong Esa’ala.

Operesen Menesa bilong Women’s Micro Benk, Rex Nonga, i bin mekim presentesen bilong em long gutpela rot i go long Esa’ala Famili Benk .

Coco Value Chain Specialist bilong UNDP Raymond Joshua, i bin givim ripot bilong em long kakao sevei bilong em. Em i bin tok  olsem graun bilong ol long distrik em i gutpela long planim kakao na em bai kam bek long Esa’ala bihain long em i toktok wantaim ol bos bilong em long tingting bilong em.

Balus, komyunikesen, nupela LLG, benking sekta na maket i wok long kamap isi isi long distrik.