INTERNAL Revenue Commission (IRC) wantaim Certified Practising Accountants Papua Niugini
(CPAPNG)

i bin strongim patnasip bilong ol las wik taim ol sainim Memorandum Ov Understanding
(MOU).As bilong dispela MOU em bilong tupela pati long serim infomesen i go kam. Dispela bai helpim IRC
na CPA long rejistaim ol akaonting bisnis.
Komisina Jenerel Sam Koim i tok, ol infomesen bai helpim IRC long mekim ol plen long kamapim
projek wantaim IPA.
“Ol akauten em ol maus dua bilong komplaiens. Ol lain save baim takis i save lukluk na wetim ol
akauntens long kalkuletim takis bilong ol. Olsem na dispela patnasip em i impoten. Wantaim dispela
agrimen , mipela i lukluk long patnasip we i gat TIN rejistresen na em i impoten long ol akaunten
bipo ol i wok,” Mista Koim i tok.
Mista Koim i tokaut tu olsem, sampela akaonting bisnis i wok aninit long ol bisnis nem we i no nidim
TIN rejistresen.
“Mipela bai wok wantaim CPA, IPA na benk na mekim ol bai rejister na kamap bisnis long mekim
mani na baim takis.
Long taim em i tok tenkyu long Komisina Jenerel, Sam Koim, CPAPNG Presiden Richard Kuna i tok
dispela agrimen em bikpela samting tru long CPAPNG.
Em i tok moa olsem, sampela akaunten husat i takis ejen i sapos tum as kamap memba bilong
CPAPNG.
“Mipela i save traim hat long kisim ol takis ejen husat i gat kwalifikesen tasol dispela i no save
kamap. Wantaim dispela MOU, ating bai orait nau,” Mista Kuna i tok.
Em i tok MOU i givim tok orait long tupela pati long sanap strong na redi long go het long wok
wantaim IRC.

Carolyne Ketsimur i raitim