OK Tedi Maining Limited (OTML) i tokaut olsem em i gat 7-pela COVID-19 keis na dispela em ol namba wan keis i kamap long Tabubil.

Dispela i kamap maski Ok Tedi i bin pasim olgeta sata balus i go na kam Tabubil.

Wanpela bilong ol keis em wanpela  wokman bilong OK Tedi husat i kisim long wanpela  narapela man  husat i bin kam long  Mosbi na go long Kiunga.

Dispela man i wok wantaim kampani na em i save kalap i go kam long bas. Na i luk olsem planti pipel i kisim pinis COVID-19.

 Kampani i kisim dispela taim long tokaut olsem em i pasim operesen long 14 dei stat long  na olgeta wokmanmeri i ken mekim test.

Long wankain tu Lihir New Crest main tu i gat wanpela keis. Man i gat 30 krismas husat i bin kalap long balus long Mosbi  na go long Lihir.

Em i wanpela  bilong 26 keis we Nesenel Pandemic Kontrol Senta i bin tokaut long em.

Carolyne Ketsimur i raitim