BENK ov South Pacific (BSP) i amamas long tokaut long lonsing bilong onlain peimen bilong ol insurens  prodaks i kam long PHA Health Assurance Company Limited.

PHA em i dijitol kampani we i save lukautim na givim insurens long ol kastoma wantaim astingting bilong givim helt kea na jenerel insurens long olgeta pipel long Papua Niugini.

PHA i gat moa long 30,000 kastoma long PNG. Na tu i  save givim jenerel insurens long ol propeti, enjiniaring, marin, moto na sampela moa ligel laibiliti insurens prodak.

PHA i patna nau wantaim BSP long helpim ol kastoma long  baim ol prodak onlain o long intanet.

“Onlain peimen bai helpim mipela long kisim moa kastoma bikos dispela rot i helpim ol long baim ol prodak long kain kain rot. Ol i ken yusim kredit o debit kat o baim onlain yusim mobail fon. Na tu ol i ken baim long kain kain taim bikos sevis i op long 24 aua long 7-pela dei,” Raj Juta Siaman na CEO bilong PHA grup i tok.

BSP i askim olgeta bisnis i mas wok onlain na em i redi long sapotim ol long bihainim ol proses. Ol bisnis we i laik rejista onlain i ken toktok wantaim BSP long email This email address is being protected from spambots. You need JavaScript enabled to view it. or ringim telepon namba 320 1212 o 70301212.

Carolyne Ketsimur i raitim