PRAIM Minista James Marape na Ambaseda bilong Japan i bin lonsim projek  bilong ples balus long Lae, Morobe Provins.

Dispela projek i kostim mani mak olsem K700 milien we gavman bilong Japan yet i fandim long JICA na PNG gavman. Projek bai kisim 30 mun long pinisim.

Dispela projek bai bringim ikonomi bilong Huon Gulf na Lae siti i go antap. Bikos bai kamap intanesenel ples balus.

PM James Marape i tok bikos ples balus i stap klostu long Hailans haiwe rot na Lae pot, em bai kisim gutpela sapot long Wafi-Golpu projek na em bai kamap bisi ples balus insait long kantri.

Gavman i sanap strong lo sapotim ol lokal papagraun long mekim ol liklik bisnis long taim projek bai stat wok na long taim em i pinis.

Long wankain taim tu Nadzab taun  divelopmen projek bai go het wantaim helpim i kam long provinsal na nesenel gavman.