Nesenel balus bilong Papua Niugini, Air Niugini i wok bung wantaim Bel isi PNG long sapotim ol man, meri na pikinini i stap long hevi bilong famili na seksuel vailens (FSV).

Bel isi PNG e mi i pablik, praivet na sivil sosaiti patnasip we i save givim ekses long ol keis menesmen na seif haus sevis long ol man, meri na pikinini husat i save bungim hevi bilong famili na seksuel vailens.

Gavman bilong Australia na PNG i sapotim Bel isi PNG olsem hap bilong Pacific Women Shaping Development Program.

Wok bilong ol i luksave long ol hevi we famili seksuel vailens i save givim long ol wokmanmeri.

Ekseketiv Opisa bilong Air Niugini Bruce Alasbaster i tok wantaim patnasip nau ol i gat wantaim Bel isi PNG, ol wokmanmeri husat i bungim hevi bilong famili na seksuel vailens i ken kisim helpim nau.

“Air Niugini i no laikim pasin bilong vailens olsem na mipela i sanap strong long mekim dispela patnasip long lukautim gut ol wokmanmeri bilong mipela. Moa yet long en, ol meri husat i mekim 48 pesen bilong kampani,” Mista Alabaster i tok.

Em it ok pasin bilong vailens i ken bagarapim mental na pisikal helt bilong ol wokmanmeri na dispela i ken givim ikonomik na sosel kost long kampani na komyuniti.

“Famili na seksuel vailens i save mekim ol wokmanmeri i no mekim gut wok bilong ol na lusim wok. Olsem na em i impoten long ol wokmanmeri long kisim helpim”, Mista Alabaster i tok.

Carolyne Ketsimur i raitim