“DISPELA yia em i yia we Wel Pam Indastri bai i kamap olsem wanpela atoriti.  Kopi, kakao na ol narapela prodak i gat atoriti pinis,” Siaman bilong Bialla Wel Pam Groa Asosisesen, Oka Kamale i tok.

Mista Kamale i tok ol i bin wetim dispela yia long kisim atoriti bilong Wel Pam tasol ol dispela ol pipel bai i makim maus bilong ol na karim hevi bilong ol i go long Palamen i pait wantaim ol gen.

Siaman bilong Bialla Wel Pam Asosisen, Mista Kamale i tok, “Taim Wel Pam Indastri Koporesen i kamap wanpela Atoriti, bai ol i kisim ekspot levi na mani long gavman long kisim dispela Indastri go het.”

Tasol Mista Kamale i tok, “Mipela ol pipel i save planim Wel Pam i wari long wanem ol memba bai i kisim dispela Bil i go long palamen i  kros long mipela na rausim mipela long wok.

Ol i singaut long ol memba bilong ol long Noten Provins, Milen Be Provins, na Wes Nu Briten long luksave long dispela hevi bilong ol na stretim.

Charlpetson Koi i raitim