PAPUA Niugini Nesenel Wel na Ges kampani, Kumul Petroleum Limited i tokaut long  nupela Siaman bilong Bod bilong ol.

Dr. Benedict Thomas Yaru em nupela Siaman na faunding Dairekta bilong Kumul Petroleum Bod. Em i gat moa long 30 krismas ekspirens  long wok wantaim Petroleum na Maining sekta.

Em i gat Dokta Ov Philosophy (Phd) long Envairomental Baioloji long Yunivesiti bilong Sydney, Australia.

Dispela senis i bin kamap long namba 11 Mei 2020.

Mista Yaru em i senisim Mista Andrew Baing husat i bin holim dispela wok long yia 2019.

Long makim Kumul  Petroleum Ltd, Menesing Dairekta Mista Wapu Monk i tok tenkyu long Mista Baing long wok em i bin mekim wantaim bod na em i tok amamas na welkamim tu  Mista Yaru long kisim dispela wok.

“Kumul Petroleum i amamas long kisim Mista Benedict Yaru olsem Siaman bikos em i gat gutpela save long histri bilong kampani. Na taim yumi go het long wok wantaim long dispela taim bilong globel salens, em i ken go het long ranim wantaim gutpela lidasip.

Carolyne Ketsimur i raitim