UNITED NATION (UN) i bin mekim sevei long 3,000 Small to Medium Enterprises (SMEs) long 89 distrik long PNG. Na sevei i soim olsem 75 pesen bilong ol dispela bisnis i kisim taim bikos long COVID-19.

UN Resident Coordinator Gianluca Rampolla i tok, moa long 82 pesen bilong ol bisnis i save mekim prodaksen bilong ol long PNG i kisim bikepela hevi long prodaksen.

“Long dispela taim ol bisnis bai kisim bikpela hevi long PNG na long wol bikos long COVID-19,” Mista Rampolla i tok.

Em i tok moa olsem, COVID-19 i soim wol olsem ikonomi i mas gat strong long lukautim ol pipel long taim bilong imejensi.

“Long Papua Niugini ol pipel i stap olsem wanpela bikpela famili bikos long kalsa bilong ol. Na Sustainable Development Goals (SDGs) i pas strong wantaim Micro na Small and Medium Enterprised (SMSEs)

“Praivet sekta olsem MSMEs em i draiva bilong ikonomik divelopmen long PNG. Em i save kontribut long emploimen na pe bilong planti manmeri insait long dispela naispela kantri,” Mista Rampolla i tok.

Em i tok MSMEs i givim guds na sevis na i kontribiut long prodaktiviti na ikonomi bilong kantri wantaim ol inovesen, tingting na save bilong ol.

“Sampela kantri i i strongim ikonomi bilong ol bikos gavman bilong ol i lukluk na sapotim strong MSME sekta,” Mista Rampolla i tok.

Mista Rampolla i tok tenkyu long Gavman long helpim na sapotim ikonomi bilong PNG long promotim MSMEs. UN tu i sapotim tingting bilong Gavman long kamapim 2016-2030 SME polisi na masta plan.