PAPUA Niugini- Australia i helpim National Agriculture na Quarantine Inspection  Authority (NAQIA) long mekim awenes na painim rot long helpim long paitim Fall Army Worm (FAW) we i stap nau long Westen Provins.

FAW em i liklik sinek we i save bagarapim ol kainkain kaikai olsem kon, sugakein, kaukau, tamato, kapis, kukamba na rais.

PNG-Australia patnasip wantaim helpim bilong Horticultural Agricultural Market Acces Plus (PHAMA) program i wok wantaim NAQIA long painim rot bilong pasim dispela binatang long kalap i go long ol narapela.

“Mi gat bikpela tingting long wok wantaim ol lokal atoriti na komyuniti  long pasim dispela binatang no gut em bagarapim ol gaden kaikai. PNG-Australia patnasip i save lukluk long helpim kantri long sanap strong na lukluk long ol dispela kain hevi,” Australia Hai Komisin ekting Minista Kaunsela Derek Brown i tok.

Carolyne Ketsimur i raitim