ISTEN Hailans Provinsal Gavman bai mekim kontrak wantaim ol bisnis i save harim tok long baim takis.

Gavana i mekim dispela toktok long ai bilong ol sinia ekseketiv bilong Isten Hailans Provinsal Gavman long miting ol i bin holim wantaim Internal Revenue Commision (IRC) Komisina Jenerel Sam Koim na IRC tim long Goroka.

Isten Hailans em i bikpela eria long Hailans rijon. Em i gat bikpela namba bilong ol manmeri na graun.

Isten Hailans Provins i gat bikpela namba bilong ol regista takis peia tasol liklik namba tasol i save baim takis long taim.

“Mipela putim tingting long Isten Hailans bikos em i ken kamapim gutpela sindaun long taim bihain,” Mista Koim i tok.

Mista Koim i tok bikos provinsal gavman i wok long sapotim ol pipel bilong Isten Hailans long  ol egrikalsa projek, dispela bai helpim ol long baim guds na sevis long ol regista takis peia.

Dispela bai apim GST takis.

Komisina jenerel Koim i tok tenkyu tu long Isten Hailans long welkamim IRC i kam long revenyu komiti bilong provinsal gavman. Em  i tok tupela i gat wankain intres long wok wantaim.

Gavana Numu i tok namba wan samting em i bin mekim taim em i kisim opis em long lukluk long wane mol rot bilong em i nap mekim mani long provins bilong em.

Mipela kirapim bek ol bisnis long provinsal gavman na sainim MoU wantaim IRC las yia.

Gavana i tokim ol provinsal gavman  wok manmeri long wok wantaim IRC long apim takis long provins.

Carolyne Ketsimur i raitim