PRESIDEN bilong Atonomus Bogenvil gavman i tok Bogenvil bai mas kisim independens
bilong en long yia 2025.

Ishmael Toroama i bin givim dispela toktok asde long wanpela miting namel long ol gavman
opisa bilong Bogenvil na nesenel gavman, em Praim Minista James Marape i bin stap long en
long Kokopo long Is Nu Briten provins.
Dispela em i namba wan bikpela miting namel long tupela grup bihain long referendum vot
ol pipel bilong Bogenvil i bin holim long 2019. Long dispela vot, 97.7 pesen bilong ol pipel i
bin vot long kisim independens.
Francisca Semoso, husat i bin wok bipo olsem deputi spika long Bogenvil palamen i bin stap
long dispela miting long Is Nu Briten.