Wanpela bikpela pret long dispela taim bilong COVID-19 pandemik insait long Papua
Niugini, em bai i kam yet long ol klostu kantri olsem Indonesia.

Man husat i go pas long PNG Medical Research Institute, Dr William Pomat i tok, maski
sapos Fiji tu i wok long bungim salens bilong dispela pandemik nau, tasol Indonesia i no stap
longwe long PNG. Em i tok ol man meri husat i wok long go kam yet long dispela boda bai
isi tru long bringim sik i kam long PNG.
Indonesia i gat boda wantaim PNG na i gat moa 1.5 milien keis bilong COVID-19 na dispela
sik i kilim moa long 48,000 pipel pinis.
PNG i bin tokaut long 298 nupela keis long las wik Tunde. Dispela i brinigim mak bilong ol
lain i kisim COVID-19 i go antap long 14, 639 na sik i kilim 141 manmeri pinis.