RADIO Australia i kamapim wanpela nupela radio program bilong bungim ol meri long ol
Pasifik ailan kantri long toktok long ol hevi bilong ol meri.

Dispela em i wanpela nupela program we ABC i bin oraitim wantaim astingting bilong givim
wanpela spes long ol meri long toktok.
Dispela program bai kamap long tok Inglis na bai i lukluk long ol eria olsem domestik
vailens, politiks, bisnis na arts na kraft, pasin tumbuna na olgeta hap het toktok bilong ol meri
i save go pas long en.

Ol lain long Papua Niugini bai ken harim dispela program olgeta Fraide long 3:30pm o hap
pas tri long apinun long 101.9 FM. Long Fiji em 5:30pm long 106.6 FM na 6:30pm long
Samoa long 102 FM.
Nupela host bilong dispela program em Wantok program ripota na produsa, Hilda Wayne
bilong Papua Niugini.