Sampela memba insait palamen haus bilong PNG.

WOK bilong kisim nem na piksa bilong wan wan vota insait long wanpela kantri bipo long
ileksen, em i no wanpela liklik samting long ol kantri long Pasifik rijon.
Ol save lain bilong ileksen i tok olsem Solomon Ailan i bin traim long mekim dispela wok
wantaim helpim bilong baiometrik vota rejistresen bipo long 2014 ileksen. Na PNG i bin
traim long kirapim wanpela nupela ilektoral rol long wanpela re-rejistresen eksesais insait
long 18 mun bipo long 2007 ileksen.
Solomon Ailan i bin soim gutpela risal, tasol PNG i no bin soim gutpela wok wantaim nupela
rol bilong en.
Ilektoral Komisin bilong PNG i laik kirapim gen dispela baiometrik vota rejistresen bipo long
ileksen i kamap long neks yia, tasol i gat wari sapos dispela bai inap wok gut o no gat.