MOA long 100 Solomon Ailan pipel husat i stap long Nu Silan i rejista pinis long riniuim paspot bilong ol long Wellington.

Dispela sevis em i kamap nau long Solomon Ailan Hai Komisin namba wan taim na bai  ran long tupela mun.

Ekting Hai Komisina bilong Solomon Ailan long Nu Silan John Kemakeza i tok nomol pasin bilong riniuim paspot em ol i mas go bek long Honiara na stretim paspot bilong ol. Tasol COVID-19 i putim planti tambu long kalapim ol boda na i mekim hat long ol pipel i go bek long Honiara.