DAIREKTA Jeneral bilong Vanuatu Foren Afeas, Kalfau Kaloris i samonim France embeseda, Pierre Fournier long em i no bihainim COVID-19 stet-ov-imejensi long kantri.

Long Fraide 30 Epril military bilong France i traim long pundaun long Bauerfield Intenesenel Ples Balus long Pot Vila tupela taim. Ol i no bin gat tok orait long pundaun long dispel ples balus.

Sif Ekseketiv Opisa bilong Sivil Eviesen Atoriti, Jackie Langani i tok dispel militari balus I no bin inap long Bauerfield Ples Balus long wanem ol Vanuatu  atoriti i no bin givim tok orait.

Misis Langani i tok dispel balus i bin mekim trening ran bilong en i kam olsem long Nu Kaledonia na i brukim lo bilong stet-ov-imejensi we i stap nau long kontrolim COVID-19.