GAVMAN bilong India i mekim wanpela singaut nau long ol medikol sumatin long helpim long dispela taim, taim kantri a pait wantaim strongpela kam bek bilong COVID-19.

Praim Minista Narendra Modi i skelim namba bilong ol helt wokmanmeri long rispon long COVID-19 pandemik long kantri na em i mekim dispela disisen.

Ol i saspendim wanpela bikpela tes bilong ol medikol sumatin long mekim long inapim ol long go long neks level bilong stadi bilong ol inap Ogas 31 na singaut long ol I kam helpim.

Ol medikol sumatin bai i helpim long givim sevis long telepon na monitarim ol liklik COVID-19 keis bihain long ol i kisim trening long fekalti bilong ol.

Praim Minista i tok dispela bai i helpim long skelim wok na ol dokta na nes i ken malolo liklik.

Ol fainel yia sumatin dokta husat i mekim residen trening bilong ol bai i go het yet inap ol nupela greduet dokta i redi long mekim wok.

Ol medikol inten bai i wok aninit long supavisen bilong ol fekalti bilong ol.