I GAT sampela pait i wok long kamap namel long ol sekyuriti fos na OPM long ol wik i go pinis.

Long wanpela pait Papua rijonol het bilong BIN, Brigedia Jeneral Gusti Putu Dana Karya Nugraha i dai bihain long ol i sutim em long gan long Dambet ples, Beoga Sab-Distrik long Epril 25.

Long bekim Presiden Widodo bilong Indonesia i givim wanpela stetmen na odaim krekdaun long ol kriminol grup i karim gan.

Em i tok, “Mi givim oda long ol militari na polis sif long go painim na arestim ol memba bilong ol kriminol grup husat i karim gan.

Em i givim tu ol wankain oda long Merdeka Palace long Jakarta.

Ol arapela politisen tu i givim ol wankain stetmen. Wanpela i kam long Siaman bilong People’s Consultative Assembly Bambang Soesatyo husat i tok strong long gavman i mas salim ol fos wantaim olgeta strong long pinisim dispela Papua rebelion.

“Bagarapim ol pastaim. Bihain yumi toktok long human rait,” em i tok.