HET bilong Stet long Samoa i singaut long ol i mas holim namba tu ileksen long pinisim strongpela lok long palamen.

Keateaka Human Rights Protection Party na nupela FAST pati husat i resis long ileksen namba wan taim i bin lok long win bilong tupela long 26-26 sia long ileksen bilong las mun.

Taim em i adresim kantri long Tunde dispela wik Tuimalealiifano Va’aletoa Sualauvi II i singaut long kantri long go bek long poling on Me 21.

Em i tokim ol pipel bilong Samoa olsem em i best wei long go fowot long stretim dispela hevi bilong politik.

Em I bin bung wantaim tupela lida bilong tupelo pati pastaim long em i mekim dispela singaut.

Tasol FAST pati lida Fiame Naomi Mata’afa  i no amamas long dispela.

Em i tok olsem em i no amamas tru long dispela propos eksen.

Em i tok moa olsem em i no lukim olsem Het bilong Stet i gat konstitusen pawa long singautim nupela ileksen long dispela taim.