LONG Tunde dispela wik French Polynesia i op bek gen long kisim ol intenesenel turis long kwarentin-fri trevol.

Ol I orait long dispela kain trevol long ol turis i kam long USA husat I kisim COVID-19 tes pinis na risal bilong ol i negetiv long tripela de pastaim long ol i trevol.

Air Tahiti Nui i opim gen ran bilong en long Papeete i go long Los Angeles bihain long tripela mun tambu we France gavman i bin putim taim hevi bilong COVID-19 i go antap long kantri bilong ol.

Bihain long ol i toktok i go i kam wantaim French Polynesia gavman na turis sekta, ol atoriti i tok orait long ol balus i ken ran gen long USA.

Tasol ol i putim tambu long ol lain i no kisim veksin long stap long 10-pela de kwarentin.

Bihain long ol i bin opim ol dua bilong ol gen long kwarentin fri trevol long Julai las yia 18,000 pipel I bin kisim varies na 141 i dai.