NEW Delhi long India i sot tru long ol bet nau bilong putim ol sikmanmeri wantaim sik COVID-19.

Em i wanpela siti wantaim moa long 20 milien pipel. Namel long taim namba bilong ol COVID-19 keis i wok long go antap Praim Minista Narendra Modi na edmistresen bilong emi kisim paia long hau em i kisim was na banisim COVID-19 wantaim ol festival bilong lotu na ol ileksen rali we tausen pipel i save bung.

Gavman bilong India i slekim olgeta lokdaun las yia na stat long dispela yia 2021 sampela stet olsem Maharashtra, em asples bilong mekim mani long Mumbai, ol i putim ol tambu bilong ol yet.

Mumbai i stap yet insait long kefiu bihainim ol mesa bilong ol yet, tasol long New Delhi ol sinema i op na ol i larim 30 pesen pipel long pulapim na ol pipel i muv fri namel long wik.

Wanpela bikpela dokta long New Delhi Dokta Ambrish Mithal i tok, “I no gat narapela rot nau. Mipela i pasim putim New Delhi long lokdaun inap wan o tupela wik.”

Em i t ok moa olsem ol kefiu long wiken i no inap helpim.