ROTARY Club long Victoria Australia i mekim redi wanpela kontena bilong sip bai karim ol Personal Protective Equipment o PPE na sampela moa samting bilong helpim ol bikpela haus sik long Papua Niugini.

Las wiken, ol PNG komyuniti long Melbourne i bin bung wantaim ol voluntia bilong Rotary long stretim ol dispela samting blong helpim ol franlain helt woka long PNG.

Presiden bilong PNG Australia Association, Victoria, Veronica Kurufher i tok ol komyuniti i amamas long dispela helpim we Rotary i mekim long helpim ol pipel long ples nau taim bilong bikpela hevi bilong COVID-19 long PNG.

Em i tok ol bai helpim gen long neks sipmen long tupela wik bihain.

Hilda Wayne