PRINS Philip, man bilong Kwin Elizabeth i dai long Fraide 9 Epril long haus bilong em long Windsor Kasel long Inglen.

Ol nius ripot i kolim em wanpela strongpela tingting man. Em i givim 70 krismas olgeta long sapotim meri bilong em, Kwin Elizabeth long mekim wok bilong em olsem kwin.

Em i bin gat 99 krismas taim em i dai.

Prins Philip i kam long wanpela royal famili long Greece tasol em i givim laip bilong em long sapotim kwin bilong Inglen.

Em i bin stap long haus sik long Inglen long wanpela mun na long Mas 6 em I go bek long haus.

Long taim em i dai em i lusim foapela pikinini bilong em; Charles, Anne, Andrew na Edward mama bilong ol.

Prins Philip i bin lukim bikpela wok bilong em, em long sapotim meri bilong em husat i statim wok bilong em olsem kwin taim Briten i senisim olpela pasin bilong stap olsem empaia na stiaim monaki we i wok long pundaun.

Olsem em i tokim Michael Parker, wanpela bipo praivet sekreteri bilong em long 1970, “namba wan wok, namba tu wok na laspela wok bilong mi em long no ken lusim sapot long meri bilong mi.”