KLOSTU 40 pesen bilong populesen bilong Wallis na Futuna i kisim veksin pinis long banisim ol long COVID-19.

Long wankain taim wanpela lokdaun i kamap long namba wan komyuniti bilong ol husat i stap nau long namba foa wik bilong autbrek bilong COVID-19.

Insait long tripela wik i go pinis 385 pipel i tes positiv long COVID-19 na foapela i dai pinis.

Ol i rejisterim 10-pela keis long ailan bilong Wallis na olgeta long ailan bilong Futuna.

Ol i salim 7-pela pipel wantaim sik COVID-19 i go pinis long haus sik long Niu Kaledonia. Namel long ol em namba wan COVID-19 keis long Wallis.

Wanpela de bihain ol i painim namba wan COVID-19 keis long Niu Kaledonia na gavman bilong Niu Kaledonia nau i pasim kantri long tripela wik lokdaun.