Bipo Praim Minista bilong Tuvalu, Enele Sopoaga i singaut long Pasifik Ailan rijon long tok nogat tru long trensipmen bilong ol ol nuklia pipia.

Sopoaga i tok long muvim ol nuklia metirel na plastik long Pasifik i ken kamapim bagarap long rait bilong ol asples komyuniti long yusim ol solwara bilong ol.

Long ol solwara bilong Pasifik nau long dispela taim i gat planti pipia tru bilong plastik na Sopoago i tok polusen bilong nuklia metirel tu em i nogut samting tru na ol pipel i mas luksave na toktok long en.

“Yumi mas lukaut na wari tu na stopim ol sip long karim ol nuklia pipia na ran long ol solwara bilong mipela,” Sopoago i tok.

Em i tok long gat gutpela sindaun long bihaintaim Pasifik komyuniti i mas gat klinpela na helti solwara.