AUSTRALIA Praim Minista Scott Morrison i tok long dispela wik Australia bai i stopim olgeta ran bilong balus i kam long Papua Niugini.

Em i tok tu olsem Australia bai i salim moa helpim i go long PNG long helpim long daunim sik COVID-19.

Ol bai i salim tu 8,000 dos bilong COVID-19 veksin long wanem gavman i wari long dispela sik i wok long go bikpela tru nau long dispela taim long PNG.

Na tu nau long dispela taim planti ol bikpela haus sik i sot tru long ol PPE bilong ol helt woka na ol arapela franlain woka.

Mista Morrison i tok ol bai i salim tu ol PPE i kam long PNG.